ബെംഗളൂരു: ഒന്നിലധികം വോട്ടര് ഐഡി കാര്ഡുകള് കൈവശം വെച്ചെന്ന കേസില് നടന് പ്രകാശ് രാജിന് ജാമ്യം. ബെംഗളൂരു അഡീഷണല് ചീഫ് മജിസ്ട്രേറ്റ് കോടതിയാണ് (എസിജെഎ) ഉപാധികളോടെ ജാമ്യം അനുവദിച്ചത്. തമിഴ്നാട്, കര്ണാടക, തെലുങ്കാന എന്നീ സംസ്ഥാനങ്ങളിലായി നാല് വോട്ടര് ഐഡി കാര്ഡുകൾ നടന് പ്രകാശ് രാജ് കൈവശം വെച്ചുവെന്നാണ് പരാതി.
കേസിൽ പ്രകാശ് രാജിന് നേരത്തെ ബെംഗളൂരു മജിസ്ട്രേട്ട് കോടതി ജാമ്യമില്ലാ വാറന്റ്റ് പുറപ്പെടുവിച്ചിരുന്നു. 3 തവണ സമന്സ് അയച്ചിട്ടും കൈപ്പറ്റാത്തതിനെ തുടര്ന്നായിരുന്നു നടപടി. ബെംഗളൂരുവിലെ ശാന്തിനഗര്, തെലങ്കാനയിലെ സെരിലിംഗംപള്ളി, തമിഴ്നാട്ടിലെ വേളാച്ചേരി എന്നിവിടങ്ങളിലായി പ്രകാശ് രാജിന് 4 വോട്ടര് ഐഡികളുണ്ടെന്ന് ആരോപിച്ച് ശേഷാദ്രിപുരം സ്വദേശി കെ. ദിലീപ് കുമാറുമാണ് പരാതി നല്കിയത്. വേളാച്ചേരിയില് രണ്ടു വോട്ടുണ്ടെന്നും പരാതിയില് ആരോപിച്ചിരുന്നു.
Content Highlights: Actor Prakash Raj has been granted bail in a complaint alleging possession of multiple voter ID cards, with further legal proceedings expected.